Anay priso nga gintiro patay mahimo ginbalusan. Gina-usisa man sang kapulisan ang anggulo sang personal nga agrabyo kag iligal nga droga sa krimen.
Duha ka mga pilas sa lawas tuga sang igo sang bala sang pusil ang gin-angkon sang anay priso nga si Rolly Raquel, 40-anyos, resulta sang iya hinali nga kamatayon sa nagluntad nga pagpaniro sa relocation site sa Barangay Vista Alegre sang Hwebes.
Ginsiling ni Police Station 10 commander Police Captain Dax Santillan nga si Raquel ang na-priso na anay tungod sang kaso nga frustrated murder. Gani ila na gina-usisa kun bala ginbalusan ang biktima. Ila man ginatan-aw ang anggulo sang personal nga agrabyo kag ang bahin sa iligal nga droga.
Nag-gwa nga nagbisita ang biktima sa iya mga himata sa relocation site sang gintiro siya sang makapila ka beses sang wala makilal-an nga gunman. Na-recover sa crime scene ang duha ka mga basiyo sang caliber 9mm pistol.