Wala na naga ginhawa sang masapwan kaina sang kaagahon sa balay sang iya nga lola sa Barangay Doldol sa Valladolid ang 29 anyos nga si Jose Alvarez Jr. Suno kay Major Wilfredo Benoman, hepe sang Valladolid PNP, imbolbado kahapon sa aksidente si Alvarez sa highway sa Barangay Palaka.
Suno sa pulis, nakabunggo si Alvarez sa naga liko nga tricycle gani naglabog ini gikan sa iya ginasakyan nga motor.
Apang conscious man suno sa pulis ang biktima kag wala na siya nag padulong pa sa ospital.
Posible may internal hemorrhage suno kay Benoman nga amo ang gin tunaan sang iya kmatayon bangud sa wala man may nakita nga signs of struggle sa kay Alvarez sang ini ang masapwan patay.