Pilason ang duha ka mga persona sa natabo nga pagpangluthang sa siudad sang San Carlos sang kahapon.
Ang biktima ginkilala sa kay Wenmer Pamilar, alyas Beboy samtang ang nasalabat naman ang 18-anyos nga babaye nga ginkilala sa kay Rica Jane Villegado.
Suno sa kay Police Lieutenant Colonel Jesus Mesahon, Jr., ang hepe sang San Carlos City PNP may ara sang isa ka persona nga naka motor kag nagpondo kung sa diin si Pamilar nagatindog kag hinali na lang in inga gintiro.
May igo sa liog ang biktima apang nasalabat si Villegado kag naigo sang bala sa tiil, gilayon nga nagpalagyo ang suspek.
Padayon nga ginabulong ang mga biktima sa ospital.
Ginkumpirmar man ni Mesahon nga isa ka drug personality si Pamilar kag ila nga gina-angut ang motibo sang krimen sa iligal nga droga.