Isa ka ginkilala kay Alyas Pio, ang nakakita sa bangkay sa may nagsira na nga restobar sa sulod sang Helvetia Heights sa Barangay Villamonte sa Bacolod.
Mamuhuhin lang siya kuntani sa lugar sang may nakita siya nga duguon nga bangkay sa sulod sang compound.
Nahamtang ini malapit sa kinutkutan para sa haligi.
Ang parte sang lawas sang biktima ang natampukan sang basura apang athag nga may mga igo ini sang labo sa nagkalain lain nga parte sang iya nga lawas.
Ang bangkay ang nagasuksok sang blue green nga sando, shorts nga itom kag blue nga medyas.
Ginabulubanta nagapang-edaron 35-40 ang biktima.
May duha man ka mga pares sang tsinelas nga nakuha sa crime scene.
Suno sa mga residente sa palibot, masobra na sa isa ka tuig nga nag close ang restobar.
Padayon pa ang imbestigasyon sang PNP.
