Patay ang 49 anyos nga si Joli Lacadman matapos matiruhan sang pulis nga gina alegar iya kun tani hana labuon kahapon sa Barangay Taclobo sa siudad sang Dumaguete sa Negros Oriental.
Ang mga residente sa lugar ang nag pangayo sang bulig sa kapulisan bangud ila gin report ang pag maoy ni Lacadman sa barangay nga may bitbit pa nga binangon.
Suno sa pulis, iya pa gin hanaan nga pang labuon ang mga barangay tanod sa lugar. Sang maabtan sang pulis ang iya hana nga pag labo sa mga tanod, nag warning shot ang pulis kag siya ang natiruhan sa tiil.
Pero suno sa pulis, wala nag untat sa iya nga pag maoy si Lacadman kag iya naman tani hana nga labuon ang isa ka pulis gani siya ang gin neutraliza na sang isa ka pulis.
Ini ang nag resulta sa kamatayon ni Lacadman.