Digicast Negros

Lalaki nga gina alegar gin abduct kagab-i naka pauli na

Police Station 1 photo

Gin report kagab-i sang isa ka misis sa Police Station 1 sa Bacolod ang gina alegar pag abduct sa iya nga mister kagab-i sa dalan Luzuriaga sa Barangay 13 sa Bacolod.

Iya gina alegar suno sa pulis nga upod sang iya mister ang iya sini himata kag sila ang nag pa gasolina sang gilayon lang nga ginpa sulod sa salakyan ang iya bana.

Pero suno kay Police Major Ramel Sarona, hepe sang Police Station 1, yara na sa ila karon nga balay ang mister.

Nakapauli na suno kay Sarona ang lalaki nga gina alegar gin abduc kagab-i.

Ginpahayag suno kay Sarona sang mister nga siya ang ginpasakay lang sa salakyan kag may gin pamangkot sa iya,matapos sini siya ang ginpapauli man.

Wala makapanugid ang lalaki kun angut sa ano ang gin pamangkot sa iya suno sa pulis.

Exit mobile version
Skip to toolbar