Naga patrolya ang mga tanod sang Sabado sang kaagahon sang ila makita ang bangkay sang isa ka lalaki sa kilid sang dalan sa Hacienda Tinihaban, Brgy. San Jose sa EB Magalona.
Ini ang may igu sang bala sa dughan kag ulo, nakabaklid ang mga kamot kag gin gin tabunan sang tape ang mata. Ang biktima ang gin kilala nga si Fritz Buenafe.
Suno kay Captain Eric Doronila, hepe sang EB Magalona PNP, gina alegar sang amay sang biktima nga Biyernes sang gab-i, ang iya anak ang gin kuha sa ila balay sa Barangay Lantad sa siyudad sang Silay sang apat ka armado nga persona kag gin pasakay sa salakyan.
Sila ang ginpahibalo na lang sang PNP nga patay na sang masapwan ang ila anak.
Gin dugang pa ni Doronilla nga nadakpan na sadto si Buenafe sa kaso nga pagpangawat apang ila pa gina hibalo sa karon kun ano ang motibo sang mga suspek sa pagpatay sa iya.