Padayon ang imbetigasyon sang Police Station 8 sa gina alegar pag abduct sa isa ka lalaki sang Domingo sa Purok 5 sa Magsungay, Barangay Singcang-Airport.
Suno kay Major Joery Puerto, ila pa gina hibalo kun bala gin abduct gid man ang biktima nga si Ramy Dejole Jr, kay siya mismo ang nag bulig para mag parking ang salakyan.
Naga hampang lang sang bug-oy si Dejole sang mag abot ang salakyan nga iya ginbuligan agud maka parking.
Apang suno kay puerto, ang mga nakasaksi nag hambal nga hinali na lang nga gin sumbag si Dejole kag pwersa nga gin sakay sa salakyan.
Siya ang naga pabilin nga missing tubtob karon. Na preso sadto ang biktima bangud sang kaso nga pag pangawat. Posible man suno kay Puerto nga katapo sang robbery group si Dejole.
Wala pa makilal-an kun sino ang nag abduct sa iya.