Nagakulob kag wala na sang kabuhi ang isa ka lalaki sang ini ang makit-an sa higad sang baybay sa Barangay Punta Salong, banwa sang Manapla, Negros Occidental, kaina, sang aga.
Wala sang pang-ibabaw nga panapton ang lalaki kag may yara sang dugo ang ginahap-an sini sang siya ang nakit-an sang mga residente. Ginkilala ang biktima kay Ramel Juanico, 26-anyos, isa ka mangingisda kag residente sang nasambit nga barangay.
Ginsiling ni Police Major Robelito Mariano, hepe sang Manapla PNP, nga base sa ila imbestigasyon, naka-inom ang biktima kag nagkadto ini sa iya bangka kagab-i.
Wala naman sang may nakita nga foul play ang kapulisan kag posible, base sa initial findings, suno kay Mariano nga pagkalunod ang gintuaan sang kamatayon sang biktima.