Nasapwan nga patay kag wala na sang kabuhi sang Sabado sang aga ang 49 anyos nga si Jose Benito Ercilla sa tunga sang talamnan sa Barangay Atipuluan sa siudad sang Bago.
Suno sa Bago PNP, sang Huwebes pa sang hapon ulihi nga naglisensya si Ercilla nga mahalin sa ila balay agud mag trabaho sa talamnan, pero wala na ini maka balik.
Nakit-an ini sang Sabado nga naga hapa sa tunga sang talamnan pero suno sa pulis wala man sang may makita nga ebindensya sang foul play sa bangkay ni Ercilla.
Posible suno sa pulis nga na igo ini sang kilat samtang naga trabaho nga nag resulta sa iya kamatayon.