Patay ang 59 anyos nga si Jose Allan Braza matapos nga gin tiro ini kaina sang aga samtang naga pangape sa Purok Malipayon, Barangay 35 sa Bacolod.
Suno kay Major Ramel Sarona, ang suspek nga naga pangape man tupad lang sang biktima. Gilayon nga nag gabot sang iya armas ang suspek kag gin tiro si Braza.
Gilayon man nag palagyo ang gunman upod sang isa pa ka suspek.
Suno kay Sarona, ila pa karon gina usisa ang background sang biktima gani wala pa sila kabalo kun ano ang motibo sang suspek sa pag patay kay Braza.
May mga report nga naga siling nga asset sang government agency ang biktima pero gina imbestigahan pa ini ka pulis.
Padayon ang ila imbestigasyon.