Digicast Negros

Lalaki ginpatay sang mga nagpakilala nga katapo sang NPA

Escalante PNP photo

Patay ang 45 anyos nga si Leticio Cordova matapos tiruhon sang mga gina alegar katapo sang New People’s Army sang Sabado sa Barangay Mabini sa siudad sang Escalante.

Sandig sa imbestigasyon sang Escalante PNP, ang biktima ang naga inom lang sang amo nga gab-i sa ila puluy-an upod ang iya misis kag utod sang mag abot ang anum ka mga persona kag ila gin pa gwa sa iya balay si Cordova.

Sang mag gwa, didto na siya gintiro sang duha ka beses sang mga armado.

Nagpakilala man suno sa pulis ang grupo nga sila miyembro sang NPA sang ila na nga pag halin matapos tiruhon ang biktima.

Pero suno kay Police Lieutenant Colonel Gil Despi, hepe sang Escalante PNP, indi pa nila mapatad-od kun bala mga miyembro gid man sang NP ang nag patay kay Cordova.

Gina hibalo pa sang PNP kun ano ang motibo sa pag patay sa biktima pero ila gina tan-aw kun bala ma kaangtanan ini sa kaso niya sadto nga rape nga na dismiss na. May damlag nakaaway man si Cordova suno sa pulis nga karon ila man ginahibalo.

Exit mobile version
Skip to toolbar