Patay si Leonardo Himaya-an, 59 anyos bangud sang pagpangbuno sa Sitio Camanda-an, Brgy. Bantayan, siudad sang Kabankalan sang Biyernes.
Suno sa PNP, ginkilala ang suspek nga amo si Rijie Casintahan, 20 anyos.
Base sa pahayag sang nakasaksi sa insidente, upod nga nagainum-inum si Himaya-an kag si Casintahan sang hinali lang may nagluntad nga baisay sa tunga sang duha kag hinali nalang nga ginbuno ni Casintahan ang biktima nga naigo sa idalom sa tuo nga bahin sang tiyan sini.
Gindala sa Kabankalan City Hospital si Himaya-an apang gindeklarar nga dead on arrival.
Samtang yara na sa kustudiya sang kapulisan si Casintahan kag magapangatubang sang kaso nga Homicide.