Nasapwan na lang nga patay sa sulod sang iya nga balay sa Purok Maninihon, Barangay Pahanocoy ang 32 anyos nga si Rhanel Era natapos gina alegar ma kuryente.
Sa imbestigasyon sang PNP, Biyernes pa sang ulihi makita si Era kag sang masapwan ini sa iya balay, yara na sa state of decomposition si era sa tupad sang iya cellphone kag charger.
Gina patihan nga na kuryente si Era suno sa pulis.
Samtang, apat ka persona kahapon ang pilason matapos mag lupok ang air filler sang balloon sa ila nga balay sa Abada Escay sa Barangay Vista Alegre.
Suno kay Fire Chief Inspector Rodel Legaspi, may air filling sa isa ka bahin sang balay kag hinali na lang ini naglupok gani agum sang pilas ang apat ka persona.
Ginahibalo pa sang BFP kun ano nga machine ang ila gin gamit nga nag lupok kag kun ano ang gin tunaan sang pag lupok.