Gindakop sang otoridad ang 56-anyos nga lalaki matapos mabaklan sang iligal nga krudo sa Purok Nami-Nami, Barangay Banago sa Bacolod City Martes sang hapon.
Nakumpiskar sa operation ang masobra 1,400 ka litro sang diesel nga nagabalor P120,700.
Na-recover man ang lima ka 200-liter drums, balde, containers, apat ka manual rotary pumps with discharge hoses, tatlo ka panel vans kag isa ka L300 nga salakyan.
Ginpatigayon ang buy-bust matapos makabaton ang otoridad sang confidential information angot sa illegal siphoning, storage kag trading sang dako nga volume sang petroleum products sa lugar.
Nadiskubrehan nga ang aktibidad ang wala sang Certificate of Compliance gikan sa Department of Energy kag fire safety clearance halin sa Bureau of Fire Protection.
[sibwp_form id=1]