Lady rider kag hardinero lunsay pilason sang magbungguanay sa madulom nga highway sa siudad sang Talisay.
Temporaryo nga nawad-an sang animo ang hardinero nga ginkilala nga si Jimmy O sang mabungguan sang motorsiklo ang iya ginamaneho nga trisikad sa madulom nga highway sang Sitio Nacab sakop sang Barangay Bubog sa siudad sang Talisay, Miyerkules sang gab-i.
Pilason man nga nagligid sa tunga sang highway ang babaye nga drayber sang motorsiklo.
Nahingagaw sila dala sang mga rescuer sa ospital.
Suno sa mga nakakita, ang trisikad ang patabok sa pihak nga dalan pakadto sa Silay sang malab ot sang motorsiklo nga padulong naman sa city proper sang Talisay.
Makapila na ka beses nga may nagaluntad nga aksidente sa amo nga highway bangud wala naga siliga ang mga streetlights.
Ginahinyo sang mga residente nga kuntani matagaan atensyon sang mga elected officials ang kadulom sa ila nga lugar bangud sang nagaluntad man nga krimen.
Nagligad lang nga Hunyo 24 sang may isa man ka babaye nga gina alegar biktima sang pagpanghold-up ang ginwigit man wala makilal an nga mga persona nga sakay sa van sa unhan lang sang natabuan sang aksidente.