Provincial Health Office na ang maga pamuno sang kampanya sa mga banwa kag siudad nga may matag-as nga kaso sang dengue. Gobernador nag klaro naman nga wala sang kinahanglan nga mag declare sang state of calamity bangud sang dengue.
Paathag ni Negros Occidental Governor Eugenio Jose Lacson may naga kaigo pa nga pondo ang PHO para sa dengue kag ang state of calamity ang gina deklarar lamang agudto tigayon maka access ang LGU sang dugang nga pondo.
May P3 million sa regular nga budget sang PHO para sa dengue kag ini ang gina gamit sa karon.
Sa July 9 nga report sang PHO, 2,036 ang dengue cases kag napulo diri ang napatay.
Ang Himamaylan City, Kabankalan City, La Carlota City, Hinigaran kag San Carlos City ang top 5 ukon may pinaka madamo nga na record nga dengue cases. Nagapanguna naman ang Negros Occidental sa may pinaka madamo nga new dengue cases sa Western Visayas sa July 2 nga datus sang Department of Health.
Suno sa gobernador, tutukan ang matinlo nga palibot, maga patigayon sang fogging kun kinahanglan kasubong man ang pag pamutang sang larvicide.
Samtang, sa Bacolod City naman, as of July 9, 345 ang reported dengue cases kag pito diri ang napatay.
Ang Barangay Tangub kag Mansilingan ang may pinaka madamo nga na report nga dengue cases – tig 31. Ini ang gina sundan sang Estefania – 27 cases, Taculing – 26, Singcang – 26, kag Sum ag – 25.