Luyag nga mapat-od sang gobernador kun ano na ang mga napatuman nga tikang sang mga health officer sang banwa kag siudad angut sa kampanya kontra dengue.
Ini ang pagatalakay sa natalana nga pagsinapol sa Biernes ni Governor Eugenio Jose Lacson sa mga CHO kag MHO bangud suno sa iya ang pagpamatuk kontra dengue indi man lamang nga ang probinsya lang ang maga patuman.
Damlag pa ginpahayag ni Dr Ernell Tumimbang nga mayoriya sa mga banwa kag siudad ang wala pa maka activate sang ila nga Dengue Task Force.
Ang Negros Occidental ang may pinaka mataas nga na report nga new cases sang dengue sa Western Visayas sa July 9 nga report sang Department of Health.
Humalin Enero, 2,096 ang na report nga dengue cases of of July 9. Nagapati ang gobernador, nga kuntani nakapatuman sang mas maayo pa gid nga mga tikang ang probinsya sa kampanya kontra dengue labi na nga may naga kaigo man nga pondo.
Sang nagligad nga tuig may 3.9 million pesos nga pondo ang PHO para sa larvicide kag subong naman may 2.7 million pesos suno kay Lacson.
“I’d like to find out on Friday kun ano ang preparasyon of all LGUs. Because this cannot be done only by the province. Although I must admit we could have done better”, suno kay Lacson.