Kaina sang aga, na proclaim na si Governor Eugenio Jose Lacson. Amo man si Vice Governor Jeffrey Ferrer. Sila nga duha ang maga serbe na para sa ila ika duha nga termino.
Suno kay Lacson ang unanimous nga suporta sang pumuluyo sa ila naga pakita sang approval sang mga negrense sa ila nga mga hinimuan sa nagligad nga tatlo ka tuig.
Gin proclaim man sa first district bilang congressman elect si Representative Gerardo Valmayor, kag board member elect sanday SP member Rommel Debulgado kag Araceli Somosa. Sila ang unopposed.
Gin proclaim man kaina bilang congresswoman elect si Representative Juliet Ferrer sang 4th district nga unopposed man.
Sa 6th district gin proclaim si Mercedes Alvarez bilang congresswoman elect. Siya ang unopposed. Gin proclaim man sanday Board Member Jeffrey Tubola kag Valentino Miguel Alonso bilang board member elect.
Gin proclaim man si Board Member Frederick Ko bilang board member elect sa third district amo man si Rita Gatuslao sa 5th district.
Suno kay Lacson mangin prayoridad ang pag attract sang investors sa probinsya. Talakayon pa ang bahin sa pagsaylo sang kapitolyo sa Talisay City karon nga may mga issue pa nga dapat ma klaruhan.