Siudad sang Bacolod kag probinsya sang Negros Occidental ang naga handa para sa gina paabot naman nga La Nina.
Sa ginpa gwa nga El Nino Advisory 10/La Nina Watch sang DOST PAGASA sadtong Abril 5, padayon nga naga weaken ukon naga huyang ang El Nino kag maga pabilin tubtob sa Mayo. Mayoriya sa mga climate models naga suggest sang transition gikan sa ENSO-neutral conditions sa April-May-June kag may chansa para sa La Nina nga mag develop. Suno sa DOST Pagasa may 62 percent chance nga mag develop ang La Nina sa June-July-August.
Suno kay Mayor Albee Benitez, damlag pa nagsapol na ang DRRMO sang Bacolod bilang pag pahanda para diri.
Nakasaad man sa amo nga advisory nga yara sa gihapon sa below normal ang rainfall condition sang Negros Occidental para sa April 2024 nga outlook. Nagakasayuran nga sa probinsya masobra sa 60 percent ang reduction sang rainfall condition gikan sa normal. Ang temperatura naman sang probinsya mangin below average tubtob warmer than average para sa Abril ukon gikan sa 21 degrees celsius tubtob sa 37.5 degrees celsius.
“Although naga weaken na ang aton El Nino sa Pacific Ocean, pero ma persist pa siya until May 2024, ma neutral siya April-May-June pero may ara sang chance nga mag develop ang La Nina ang June July August naton”, suno kay Plotena.