Sa ginpatigayon nga inspeksyon sang Department of Public Works and Highways sa tiilan sang bulkan Kanlaon kag mismo sa Canlaon City kag La Castellana, makita nila ang tuman ka dalagko nga mga bato nga parehos kadako sang SUV.
Suno sa kay Engr. Noel Ilao, Director sang Bureau of Equipment sang DPWH-Central Office, bangud sang dalagko nga bato nagkalatabunan ang mga alagyan sang tubig gani nag rekta ang tubig sa kasubuan sa mga pamalay.
Sa paglantaw nila posible lahar ang nag duso sa mga bato papanaog sa kabukiran.
Ang ini nga mga bato sa palibot sang Kanlaon ang halin sa sulod sang bulkan dala sang sunod-sunod sini nga eruption.
Bangud sang mga linog nag amat-amat na giho ang mga bato.
May mga areas man kuno nga inagyan sang landslide gani natumba ang mga puno sang kahoy kag gin anod papanaog sa kasubuan nga nagtuga sang pagbara.
Ginpang amat-amat na pahigad ang mga bato pero siyado ini ka trabahoso ilabi na nga ka dalagko sang bato.
Gani kinahanglan nila magbakal sang mga heavy equipment nga makasarang sa pag kuha kag pag- dog sini.
Bangud nga nag gamay na ang alagyan sang tubig, balantayan man suno sa iya ang posible nga flashflood kun mangin mabunok ang ulan dala sang Bagyo nga Wilma.*