Electrical overloading kabahin sa mga ginatan-aw nga kabangdanan sa nagluntad nga sunog sa Barangay Villamonte.
Ginbisita kagab i ni Mayor Albee Benitez ang kwarentay uno ka mga pamilya nga nawad an sang puluy an sa nagluntad nga sunog sa Purok Amor, Barangay Villamonte.
Dala niya ang mga relief packs, mga ulunan kag pagkaon para sa mga nag evacuate nga pamilya sa barangay gym.
Mga las onse Miyerkoles sang aga sang nagluntad ang sunog kun diin katorse tanan ka mga balay ang nahalitan.
Suno kay Fire Chief Inspector Rodel Legaspi, city fire marshall sang Bacolod-BFP, electrical overloading ang isa sa mga ginatan aw nila nga gintunaan sang sunog nga naghalin sa ginapaarkilahan nga balay ni Edwin De la Cruz.
Electrical in nature man ang kabangdanan sang isa pa gid ka sunog nga nagluntad sa Barangay 6 sa Bacolod sang kahapon.