Nag-viral online video, matapos nga gin-post sang ika ka babaye nga estudyante bangud sa gina-alegar pag body shame sang isa ka konduktor sang modernized jeep sa ila.
Sandig sa nagreklamo nga mga estudyante, padulong sila kuntani nga tatlo sa ila eskwelahan sang nagsakay sila sang Shopping-La Salle nga modernized jeep.
Diri na gilayon nagpungko ang tatlo kag gina-alegar nga ginsilingan sang konduktor nga mabayad sila dugang bangud ang pulungkuan nga maka igo sa apat, tatlo lang sila ang nakapungko.
Matapos nga nag viral kag nagdangat sa igtalupangud sang United Negros Transport Cooperative ukon UNETCO, gilayon man nga ginpaidalum ang natungdan nga konduktor sa 30-day preventive suspension.
Ginsiling ni Romelie Soliguen, pamuno sang UNETCO nga nakigsugilanon naman sila sa mga biktima kag ginapapasa nalang nila sila sang written complaint agud matumod ang posible nga pamatbat sa konduktor.
Sa karun, gintake down naman sang estudyante ang amo nga post.
Liwat man nga nagpangabay ang pamunuan sang UNETCO sa mga driver kag konduktor sini nga mangin professional kag magpakita sang respeto ilabi na sa mga pasahero.
“As per sa iya kuno sir, daw lahog yalang man bala tani. Which nga, amo na gani ginhambalan sa namon nga malahog ka imo ya nga indi mo ya kilala. Amo na bala daw lahog yalang man kuno tani pero siling ko te indi naya proper, which nga wala namon ya ginatolerate ang amo na nga pamatasan”, suno kay Soliguen.
[sibwp_form id=1]