Gina hulat sang probinsya ang kumpirmasyon ni President Ferdinand Marcos, Jr. kag Vice President Sara Duterte sa imbitasyon sini para sa Panaad sa Negros Festival.
Suno kay Provincial Administrator Rayfrando Diaz, nakapadala na sang imbitasyon ang probinsya para sa duha ka matag-as nga opisyales sang pungsod, kag sila ang naga laum nga sila ang makatambong sa liwat nga pagbalik sang festival of festivals matapos ang tatlo ka tuig nga pagpaiway sanc kahiwatan bangud sang pandemic.
Bukas ang probinsya sa ano man nga adlaw para sa ila humalin Abril 17 tubtob 23.
Si Vice Governor Jeffrey Ferrer suno kay Diaz ang instrumental sa pag patigayon sang imbitasyon.
Nag padala man ang probinsya sang imbistasyon sa mga senador para sa amo nga selebrasyon.
Padayon ang pagpanghanda sang probinsya para sa Panaad sa Negros Festival.