Wala na sang klase sang ini lang nga hapon matapos gindeklarar ni Mayor Albee Benitez ang suspension of classes tuga sang mainit mga panahon-ot na sa 40 degree celsius ang heat index ukon ang mabatyagan nga init sa lawas sang tawo sandig man sa forecast sang DOST-Pag-asa.
Gani pinaagi sa Executive Order 013 nagdeklarar sang suspension of classes si Mayor Albee Benitez sa mga public kag private schools sa Bacolod sa tanan nga levels.
Kaina sang udto, May iban nga ginikanan nga bag o lang sampot sa eskwelahan para idul ong ang ila mga estudyante para sa pang haponan nga klase ang gilayon man nagpauli sang makabaton sang impormasyon angut sa class suspension.
Plano sang pila ka mga buluthuan nga sa masunod nga semana magpatuman sang hybrid learning gamit ang mga modules agud nga mabuhinan ang kagutok sang estudyante sa mga classroom. Ini agud bisan paano mapasiguro nga komportable ang mga estudyante sa ila pagtuon bisan tig-ilinit.