Sa public advisory nga ginpagwa sang Negros Occidental Electric Cooperative ukon NOCECO, ginapahibalo sang kooperatiba ang publiko nga ang isa sa karon sa mga kabangdanan kun ngaa nagaka delay ang power restoration sa ila coverage area amo ang pagkadula sang ila nga mga electrical hardwares parehos na lamang sang linya sang kuryente, metro kag transformers.
Sang sini nga semana, kadamo sang report nga nabaton ang NOCECO angut sa pagkadula sang mga copper wires sa sulod sang mga power transformers.
Luyag man sang NOCECO ipahibalo sa publiko nga ang ini nga mga insidente napalab-ot na nila sa awtoridad agud makahimo sang imbestigasyon sa mga lugar nga na-kumpirmar nadulaan sang mga materyales sang kuryente.
Sa karon 97.08% sang barangay level ukon 92.78% sang household level ang nabalik na nga power supply supply sa area of coverage sang NOCECO.