Kinahanglan sang approval sang City Administrator sang Bacolod antes magpanagtag sang pagkaon sa BCGC

Sa Memorandum Order No. MSM-07, Series of 2026 nga ginpagwa sang Office of the City Administrator sang Enero 16, ginmanduan ang tanan nga departamento kag opisina nga magkuha sang permit antes magpatigayon sang distribusyon ukon donation sang pagkaon sa sulod sang premises sang BCGC.

Ini kasunod sa mga kaso nga may mga pagkaon nga mga napan-os kag foreign object nga yara mismo sa pagkaon.

Nasaad sa memorandum nga gin papanaog ni City Administrator Mark Mayo, nakasaad nga ang tikang ginpatuman agud masiguro nga safe ang mga empleyado, kliyente, kag bisita sa sulod sang Bacolod City Government Center, kag malikawan ang posible nga health risks.

Sakop sang patakaran ang tanan nga klase sang pagkaon, lakip na ang luto, hilaw, ukon processed food products, bisan ano pa ang pamaagi sang pag preparar ukon pagputos.

Ginpaandaman man nga ang indi pagtuman sa amo nga memorandum magapangatubang sang penalidad base sa mga patakaran kag regulasyon sang siudad.*

---

SIGN UP TO RECEIVE OUR FREE DAILY NEWSLETTER.

Full Name*

Email Address*