Sa bulig sang mga bystanders kag security guard, tigayon nga nadakpan ang isa ka pickpocket sa downtown area sang Bacolod City, sang Martes, Hunyo 2.
Apang antes pa man madala sa istasyon sang pulis, may nagluntad nga komosyon kag siya ang natapungulan sang akig nga mga tawo sa downtown.
Ginsiling ni Police Major Rondyl Tapang, hepe sang Station 1, napasakaan na sang kaso nga theft ang suspek nga ginkilala kay alyas “Jed”, 34-anyos, taga Brgy. 14 sa Bacolod.
Ginkawat sang suspek ang cellphone kag wallet nga may unod nga cash, sang 23-anyos nga lalaki, taga Brgy. Concepcion sa Talisay City kag naga-obra bilang messenger sang isa ka kompaniya sa downtown.
Suno kay Tapang, may record na nga snatching kag theft ang suspek apang tungod bailable kag na-serbehan niya naman ang sentensya, siya ang liwat nga naka-gwa.
“Recidivist lang siya kung na-convict siya on the same crime pero ti aggravating na lang na ya paglab-ot sa Fiscal kay tan-awon nila na kung may dating kaso na kaya ginapataas-tasaan nalang nila ang number of years. Iya nalang na i-determine sang Court”, suno kay Tapang.*
[sibwp_form id=1]