Nagpangawat sang lima ka mga goma ang tricycle driver sa basement sang isa ka balay sa Orense-Ibiza Street, Villa Caridad Subdivision sa Barangay III Poblacion, La Carlota City, Martes sang aga, Nobyembre 3.
Naaktohan sang tag-iya ka balay ang suspek, ugaling iya ini nga ginpahog nga bun-on. Ginkarga sang suspek ang mga goma sa tricycle kag nagpalagyo.
Apang pagkagab-i, liwat nga nagbalik ang suspek agod manguha sang dugang nga pagkabutang.
Natiyempohan nga nagresponde ang mga pulis sang La Carlota PNP sa lugar, pati ang pila ka intelligence personnel, kag ila na-ispatan ang suspek sa sulod sang compound ka biktima.
Gindakop ang suspek nga ginkilala kay alyas “Jill”, 33-anyos, isa ka tricycle driver kag na-recover man ang lima ka mga kinawatan nga goma.
[sibwp_form id=1]