Arestado si Reagan Taub, alias Apyot, sa Sitio Binitbotan, Barangay Calupaan sa Guihulngan City, Negros Oriental sang Miyerkules.
May warrant of arrest siya sa kaso nga murder. Sa pagka dakop sa kay Alias Apyot nakuhaan siya sang 45mm pistol.
Suno sa Philippine Army si alias apyot ang primary suspect sa duha ka mga murder cases. Ang pagpatay sa kag Sgt. De Ramas sang Candalanon detachment sang 2019 kag patay sa apat ka mga sibilyan sa Barangay Trinidad sang May 14, 2021.
Ginpasalamatan sang army ang mga pumuluyo nga amo ang nag hatag sang impormasyon nga yara sa amo nga lugar si Apyot.
Liwat naga panawagan ang army sa iban pa nga mga katapo sang armado nga grupo nga mag balik na sa sabak sang gobyerno kag para maka upod na ang ila tagsa ka mga pamilya.