58 percent nga nag nubo ang kadamuon sang dengue cases sa Negros Island Region.
Ini base sa report sang Department of Health NIR as of August 1 kun ipaanggid sa kasubong nga tion sang 2025.
Humalin January 1 tubtob August 1, 2026 may 2,546 ka dengue cases. Sang 2025 sa kasubong nga tion may 6,057 ka dengue cases nga na record.
Suno sa DOH NIR ang 6 to 10 year nga age group ang naka record sang pinakadamo nga dengue cases – 460 ukon 18.1 percent sa kabilugan nga kaso.
Gina sundan naman ini sang 1 to 5 year age group nga may 381 cases ukon 15 percent kag ang naga sunod 21 to 30 year age group nga may 370 cases ukon 14.5%.
Sa 2,546 nga reported dengue cases 32 percent sini ang laboratory confirmed.
Wala untat ang DOH sa pag pahanumdom sa publiko nga mag mangin matinlo sa palibot para malikawan ang balatian nga dala sang lamok.
[sibwp_form id=1]