Kaso sang dengue sa Negros Occidental ang nagsugod na nubo sa nagligad nga duha ka semana.
Ini suno kay Negros Occidental Governor Eugenio Jose Lacson nga nag siling man nga ang alert threshold kag epidemic threshold ang mas manubo na kun ipaangid sa 2024.
Nagalaum siya nga kuntani tayuyon na ang pag nubo sa kadamuon sang kaso.
Sa datus sang Provincial Health Office as of April 19, may 1,692 ka dengue cases ang na-record humalin Enero.
341.78 percent ini nga mas mataas kun ipaangid sa kasubong nga tion sang 2024. Naga pabilin sa pito ang dengue related deaths.
Sa gihapon ang panawagan sa publiko nga mag paninlo sa palibot. Kag kun makitaan sang sintoma sang dengue, kaangay sang paghilanat, rashes, pag palanakit sa kalawasan kag iban pa mas maayo nga mag pakonsulta gilayon sa duktor.