Sa pinakaulihi nga data nga ginpagwa sang Bacolod City Health Office, humalin Enero tubtob Agosto 15 sini nga tuig, may 389 ka kaso sang dengue sa siudad kag isa diri ang napatay.
Ini ang mas ma nubo kun ikumpara sa 743 cases kag 5 deaths sang parehas nga tion sang tinalikdan nga tuig.
Sa pihak sini, ginsiling ni Dr. Grace Tan, pamuno sang Environmental Sanitation Division nga bangud sa pag ulan-ulan ginapaabot nga mag saka liwat ang kaso sang dengue sang siudad.
Humalin Hulyo 19 tubtob Agosto 15 sini nga tuig, may 130 ka mga kaso sang dengue ang na-record sang CHO.
May pinakadamo nga kaso sang dengue amo ang Barangay Mansilingan, Handumanan, Estefania, Singcang-Airport, kag Banago.
Ginapangabay sang CHO ang publiko ipabilin ang katinlo sang palibot kag likawan ang stagnant water.
Dugang ni Tan, kun madamo sang lamok nga nakita sa palibot sang balay, gilayon nga pangitaon ang posible nga breeding place sang lamok kag tinluan ini.
Naga abiso man ang CHO sa mga ginikanan nga gilayon ipakonsulta ang ila mga bata kun nagahilanat ini sa sulod sang isa tubtob duha ka adlaw.
[sibwp_form id=1]