Digicast Negros

Kaso sang COVID-19 sa Negros Occidental ginapaabot nga maga nubo sa madason nga semana

Ginakabig nga all time high ang kadamuon sang active COVID cases karon sang Negros Occidental pero suno sa gobernador sa masunod nga semana iya ini nga gina lauman nga mag nubo.

1936 as of April 15 ang active COVID-19 cases sang Negros Occidental pero suno kay Governor Eugenio Jose Lacson sa masunod nga semana ginalauman nga may maga recover na ukon maga graduate sa mga nag positibo sa virus duha ka semana ang nagligad.

Importante suno kay Lacson nga ang kadamuon sang mga naga positibo indi mas mag damo sang mga maga graduate ukon maka recover. Wala man sang report sa karon nga napuno na ang mga quarantine facilities sang lgu kasubong man sa probinsya.

Samtang, nag sugod na ang four day work week sang Kapitolyo kag work from home ang mga empleyado magluwas lamang sa mga yara sa Disaster Risk Reduction Management Office, ospital kag Provincial Health Office nga sa gihapon padayon ang pag report.

Exit mobile version
Skip to toolbar