May apat ka bag-o nga kaso sang cholera ang probinsya. Cholera cases nagdangat na sa 28.
Sa datus sang Provincial Health Office ang siudad sang Talisay ang may pinaka madamo nga na record nga kaso – 13 cases, tatlo diri ang bag-o nagdugang.
Nagasunod naman ang Silay City nga may walo ka kaso. Sa walo, isa ang bag-o nga kaso kag isa ang patay. Ang EB Magalona may anum ka kaso kun sa diin isa ang napatay, kag isa naman ang Victorias City.
Ang damlag gin report nga kaso sa Calatrava ang gin-isip na sa Bacolod suno sa PHO.
Samtang, Suno kay Dr Ernell Tumimbang, sa mga water sample nga ginpadala gikan sa mga lugar nga may cholera cases, sa Research Institute for Tropical Medicine, isa man lamang ang nag positibo sa cholera. Paathag ni Tumimbang una, mahimo nga ang ginhalinan sang cholera cases food related. Pero ang pag trace sini may kabudlayan na.
Rason nga maid-id ang kampanya sa monitoring sa mga restaurants kag iban pa nga kalan-an labi na nga nagbukas na ang in-person classes. Padayon man ang monitoring sa mga water refilling station.
Ika duha mahimo nga sang pagkuha sang water sample ang nag gwa lang nga positive ang bacteria lamang nga naga tuga sang diarrheal diseases. Indi lamang sa probinsya na record ang pagsaka sang food ang water borne diseases.