Domingo sang ginlubong sang magkahigugma nga sanday Cristel Haro kag Caesar Valdevieso ang bag-o lang gid nabun-ag nga lapsag. Tatlo ka oras ang makaligad, nabatian sang sepulturero nga may naga hibi nga lapsag sang ginbalikan ang lugar nga bag-o lang ginlubngan didto nadiskubrehan nga buhi ang ginlubong nga lapsag.
Suno sa hepe sang Pulupandan PNP nga si Police Captain Ryan Villasario, sang gin usisa ang magkahagugma, nadiskubrehan nga ila lang gali gin tago-tago gikan sa ginikanan sang babaye nga liwat na naman siya nga nagbusong.
Naga panindugan sila nga sa pensar anay nila patay na ang bata. Pero dako nga palamangkutanon sa pnp kun ngaa wala man lang nagpa health center ukon nagpa barangay ang magkahagugma kag mangayo sang bulig.
Ang gin hambal sang lalaki sa sepultorero, fetus nga naputos sa tela kag nasulod sa karton ang ila ilubong amo kun ngaa napasugtan sila nga maka lubong.
Lunes sang kaagahon napatay ang lapsag.
Padayon pa ang pagtipon sang mga impormasyon kag ebidensya sang PNP para mapasaka ang kaso nga infanticide batuk sa ila.