Gin-dismiss sang Office of the President ang mga kaso nga gin-file batuk sa mga anay katapo sang Sugar Regulatory Administration angut sa gin pa gwa nga sugar order nga naga tugot sang pag import sang 300,00 metric tons sang kalamay sadtong Agosto, 2022.
Sa desisyon nga gin pa gwa gin-absolve si anay Agriculture Undersecretary Leocadio Sebastian, Adminstrator Hermenegildo Serafica sang SRA kag board members Roland Beltran kag Aurelio Gerardo Valderrama, Jr., nga humalin pa man sadto nag resign na sa ila nga mga puesto. Gina pasalamatan ni Valderrama, ang decision nga gin pa gwa sang Malacanang. Suno sa iya Labi ang iya nga pangamuyo kag ang pag dismiss sang kaso nga Grave Misconduct, Gross Dishonesty kag Conduct Prejudicial to the Best Interest in the Service batuk sa ila ang isa ka vindication.
“It is now time to move forward. It is time to set aside the issues that divide us and to focus instead on how we can work together. The Sugar Industry currently faces serious challenges that demands collective actions involving all stakeholders, in concert with government” suno kay Valderrama.
Sa desisyon nga gin lagdaan ni Executive Secretary Lucas Bersamin sa authority ni Presidente Ferdinand Marcos, Jr., gin-admonish man ang mga respondent nga kuntani labing naghalong angut sa pag patuman sang ila nga mga katungdanan. Nakit-an base sa desisyon nga ang pag issue sang Sugar Order number 4 sadtong Agosto ang napatuman “in good faith”.
Nagdumdom ang mga respondent nga sila ang authorized bangud sang miscommunication suno sa desisyon. Nag gikan ang miscommunication sa memorandum nga gin pa gwa ni sadto Executive Secretary Victor Rodriguez nga nag hatag sang authority kay Sebastian nga mag lagda sang mga kontrata.
Suno pa sa desisyon sang napadala man ang draft sang SO number 4 kay Rodriguez kag wala man sang objection bahin diri, gin assume sang mga respondent nga may approval ini. Nabutang man sa desisyon nga wala sang clear kag convincing evidence nga makasiling nga may misconduct sa bahin sang mga respondent. Indi man sila makabig nga guilty sang dishonesty kag wala man sang proof nga ila gintingato ang pag-issue sang amo nga order gikan sa presidente.