Nagakasayuran nga humalin Martes tubtob Biyernes ang trabaho sa mga provincial government offices nga maga sugod las 8 sang aga tubtob las 7 sang gab-i sumugod March 16.
Wala sang opisina kun Lunes. Paathag ni Negros Occidental Governor Eugenio Jose Lacson nga ini ang nabase sa consultation sa mga empleyado upod na ang Progressive Alliance of Capitol Employees ukon PACE.
Ang compressed schedule naga pasiguro nga ang gina-require nga 40 working hours per week ang ma comply.
Ang mga talatapan naman nga nagahatag sang essential kag frontline services kaangay sang mga provincial hospital, ang Provincial Disaster Risk Reduction and Management Office kag ang Economic Enterprise Development Department ang maga pabilin nga fully operational para mapasiguro nga tayuyon ang public service.
Ini tanan kabahin sa gin pa gwa sang memorandum ni Presidente Ferdinand Marcos, Jr., sa pag adopt sang energy conservation protocols kasunod sang epekto sa presyo sang gatong dala sang gamo sang Middle East.
Nalakip man sa energy saving measures sang probinsya ang pahanumdom sa pag kinot sa gamit sang kuryente, efficient nga gamit sang mga government vehicles, pag limit sang mga travel sa mga labing importante nga bagay kag pag maximize sang digital platforms para sa mga meetings.
Ang Ilog, Hinoba-an, Don Salvador Benedicto, Murcia, Talisay City, Silay City, Cadiz City, Bago City,Escalante City, Cauayan, Kabankalan City, Sipalay City kag La Carlota City ang maga patuman man sang 4 day work week.*
[sibwp_form id=1]