Ginakwestyon ni Atty. Caesar Distrito nga karon nga nagaserbe abugado ni Punong Barangay Noli Villarosa kun ngaa nag-issue sang dismissal order ang Office of the Ombudsman for the Visayas batuk sa punong barangay bisan pa na dismiss na sadto ang kaso nga simple misconduct may kaangtanan sa reklamu nga ginpasaka sang retired teacher nga si Jun Medalla.
Gani nagpadulong siya sa talatapan sang Ombudsman for the Visayas kag nagfile sang motion.
Suno kay Distrito, kabahin sang street lot ang portion sang pader nga ginguba sang barangay sa Ramylu Drive sang ginpatuman ang road clearing operation sang Agosto 2019.
Nakabaton naman sang financial assistance pati ang caretaker sang compound sang
pamilya Medalla nga gin demolish man sang barangay ang parte sang iya dingding nga nalab-ot sa clearing operation.
Nanindugan naman si Medalla nga kabahin sang ila private property ang pader pati na ang puluy-an sang ila caretaker amo nga nagpabor sa ila ginfile nga motion ang Ombudsman.
Bilang resulta, ginpapanaugan si Villarosa sang dismissal order kag perpetual disqualification
from holding public office bangud makaduha naman ini ka beses nga napamatbatan nga guilty sa kaso nga simple misconduct.