Market denial kag random fish examination ang gin patuman sa Cadiz Public Market.
Ini ang gin pamunuan sang Negros Occidental Maritime Police Station upod sa City Agriculture Fish Examiners kag City Economic Enterprise Management Office sang Cadiz sadtong Enero 27.
Tuyo sini nga hilikuton nga mapalapnag ang ihibalo kag ma hatagan man sang kaalam ang mga naga baligya sang isda nga ang mga isda nga nadakup paagi sa dynamite fishing ang gina dumilian.
Wala man gina tugutan ang pag baligya sang mga endangered nga mga marine species kaangay sang stingray, tanan nga sahi sang bagis, mga seahorse, mga wild nga bangrus kag iban pa gid nga prohibited aquatic species.
Ang amo nga tikang ginpatuman para mabuligan nga mapabilin ang ecological balance kag mapaayo ang quality sang fish stocks kag iban nga buhi nga marine resources.
Ginahatagan man sini sang importansya ang padayon nga kampanya sang PNP Maritime Group kontra illegal, unreported, kag unregulated (IUU) fishing para mapangapinan ang marine resources sang pungsod.*