Karon nga magabukas na ang klase tutukan man sang health authorities ang kampanya kontra dengue sa mga eskwelahan.
Suno kay Dr Girlie Pinongan, Provincial Health Officer, plastado na ang programa sang mga LGU paagi sa mga municipal kag city health offices sini angut sa mga kampanya sa ikaayong lawas.
Nalakip na diri ang dengue karon nga tig-ululan kag maga balik naman ang klase.
As of July 13, 874 ang dengue cases sang Negros Occidental.
17.79 percent ini nga mas mataas kun ipaanggid sa kasubong nga tion sang 2023.
Tatlo naman ang gin report dengue related deaths.
Gina tutukan ang sa sur nga bahin sang probinsya bangud sang mataas nga kaso sang dengue.
Ang banwa sang Hinoba-an ang may pinaka mataas nga kaso sang dengue – 102, naga sunod naman ang Sipalay nga may 96 cases kag isa ka dengue related death.
229 naman ang dengue cases sa Bacolod City as of July 13.
Pero mas manubo naman ini sa 10.5 percent kun ipaanggid sa kasubong nga tion sang 2023.
Padayon ang kampanya para sa matinlo nga palibot.