Mga hotel kag resort owners sa Bacolod magasapol bwas agud mahandaan ang linibo nga mga bisita sa 43rd Masskara Festival.
Ang kakulang sang hotel rooms para sa nagahilapit nga Masskara Festival ang kabahin sa tagaan atensyon sang Bacolod City Tourism Office kag Yuhom Foundation sa pagsinapol upod sa mga tag-iya kag management sang hotel kag mga resorts sa Bacolod sa Negrense Residences bwas.
Suno kay Ma.Teresa Manalili, pamuno sang city tourism office, tinguhaan man nila nga maistorya ang management sang iban pa nga hotel sa gwa sang Bacolod para ma accomodate ang mga bisita ilabi na sa highlights sang tuigan sang okasyon sang siudad.
Ginpahayag na ni Mayor Albee Benitez nga halos fully booked na ang hotel para sa 43rd Masskara Festival.
Ginapaabot sang alkalde ang kapin 200,000 nga bisita para sa ginakabig grandest nga selebrasyon sang siudad karon nga tuig.