Kahalitan sang Bagyo Kristine sa kasapatan ang nag dangat sa 400,000 pesos.
May 1,300 ka mga broiler ang nag kalamatay suno sa Provincial Veterinary Office sa Brgy San Isidro sa Pontevedra.
Kalabanan man sa mga nagkalamatay mga piso.
May mga napatay man nga tinday sang carabao kag kabayo bangud sang hypothermia ukon tuman ka tugnaw kasubong man pag kalumos.
Gani naga abiso ang PVO nga sa tion sang malain nga tiempo ibutang sa mataas nga lugar ang mga kasapatan agudto malikawan man ang pagkalumos.
Suno kay Dr Placeda Lemana ang Provincial Veterinarian, lima ka mga banwa kag siudad sa Fourth District ang nag-report sang kahalitan kag ini ang nagalakip sang Bago City, Pontevedra, Pulupandan, La Carlota City kag Valladolid.
“1,300 plus ka broiler nag kala tugnawan amo na daku-daku ang damage dira. Ang estimated nga damage nga reported sa LGU more or less sobra 400,000 pesos”, suno kay Lemana.