Arestado ang isa ka incumbent kagawad kag isa ka senior citizen sa ginpatigayon nga buy-bust operation sang Philippine Drug Enforcement Agency-Negros Island Region kag Hinigaran PNP.
Ginpatigayon ang buy-bust sa Sitio San Roque, Purok 5 sa Barangay Gargato, banwa sang Hinigaran kagab-i.
Ginkilala ang gindakup bilang si alias “Pam”, 31-anyos, isa ka barangay kagawad, kag si alias “Nay Grace”, 60-anyos, pareho nga residente sang Barangay Gargato.
Suno sa otoridad, nakuha sa duha ang P68,000 nga balor sang ginasuspetsuhan shabu.
Nagabug-at sang 10 gramos ang suspected shabu nga nakuha sa operation.
Magapangatubang ang kagawad kag senior citizen sang kaso nga paglapas sa Section 5 ukon sale sang iligal nga droga, Section 11 ukon possession sang dangerous drugs kag Section 26 ukon conspiracy, sang Republic Act 9165 ukon ang Comprehensive Dangerous Drugs Act of 2002.