Digicast Negros

Kadamuon sang kaso sang dengue sa Negros Occidental alarming na suno sa PHO

Dengue cases sa Negros Occidental ang yara na sa alert level. Dengue task force sa tagsa ka banwa kag siudad ang gina pa re-activate.

Suno kay Dr Ernell Tumimbang ang dengue situation ang makabig nga maka alarma kag ini ang gintalakay sang Provincial Health Office sa mga municipal kag city health officers sini nga adlaw.

511 ang dengue cases sang Negros Occidental sa May 14 nga report sang PHO. Ini ang pinakamataas nga kaso nga na report sa Western Visayas suno kay Tumimbang.

Kun ipaanggid sa kasubong nga tion sang nagligad nga tuig, 193.68 percent ini nga mas mataas. Sang 2021, 174 ang kaso nga na-record.

Sa mga LGU, ang banwa sang Hinigaran ang may pinaka mataas nga na record nga dengue cases – 46. Diutay pa nga idog kag sarang maglambot sa epidemic stage suno sa pho ang dengue situation sa probinsya.

Isa sa tutukan subong amo ang pag panubo sang kaso paagi sa pagdula sang mga breeding places sang lamok bisan pa pagpanghatag sang larvicide.

Wala ni Tumimbang gina recommend ang fogging sa karon. Labing likawan man ang kamatayon tuga sang dengue. May five dengue deaths nga na record sini nga 2022.

Exit mobile version
Skip to toolbar