Number of registered voters sang Negros Occidental may pag nubo sa .37 %.
Sa ginpatigayon nga Election Registration Board Hearing sang April sini nga tuig, 3,063,096 ang registered voters sang Negros Island Region karon.
Ang Negros Occidental nga amo ang may pinaka madamo nga botante sa NIR ang may yara sang 1,994,337 ka registered voters regular voters kag 700,115 para sa Sangguniang Kabataan.
Pero suno kay Commission on Elections Regional Director, Atty Lionel Marco Castillano, .37 percent ini nga mas manubo kun ipaanggid sa datus sang nag ligad nga piniliay. Paathag niya, sa Enero nga ERB hearing lamang 113,776 ang nabuhin ukon nakakas sa list of voters.
Sa April naman nga ERB hearing may dugang pa gid nga 12,853 nga nakakas sa list of voters.
Ang mga nakakas mga yadtong wala naka boto sa duha ka sunod-sunod nga piniliay, mga nagtaliwan na, mga double registrants matapos nga ma reconcile ang datus gikan sa automated fingerprint identification system kag yadtong mga nag saylo na sagwa sang probinsya.
Suno kay Castillano, naga laum sila nga malagas pa ini sa nabilin nga inadlaw sang voter’s registration nga maga takop sa Mayo 18.
Samtang, ang Negros Oriental may yara sang 985,623 ka regular voters as of April 2026, kag 355,044 para sa SK. 0.97 percent ini nga nagsaka.
Ang Siquijor naman ang may pinaka dako nga saka sa registered voters. 2.26 percent ang saka sa voter’s registration nila, 83,194 ang regular registered voters kag 29,026 ang SK registered voters.
“Hopefull mahabol pa natin yun. Hanggang ngayon nag satellite registration pa yung mga election officers natin diyan, at tsaka yung Bacolod naman nasa mall registration na tayo. So malamang maraming mag pa rehistro sa mall kasi convenient sa kanila yun”, suno kay Castillano.*
[sibwp_form id=1]