Pag tukod sang Emergency Operation Center para sa COVID-19 vaccine sa tagsa ka banwa kag siudad sang Negros Occidental ang gina duso karon ni Provincial Health Officer Dr Ernell Tumimbang.
Suno kay Tumimbang ang pagtukod sang EOC nabase sa mandato sang Department of Health.
Wala labot sa EOC dapat may itukod man nga vaccination operation center.
Iya ginapaabot ang pag pa gwa sang executive order labi na nga ini ang kinahanglananon angut sa pagpatuman sang COVID-19 vaccination program.
Ini ang maga tutok sa kun paano ipatuman ang vaccine roll out.
Wala labot diri suno kay Tumimbang, tutukan man dapat sang grupo ang pag create sang demand para sa bakuna ilabi na nga isa sa pagpanghangkat nga gina atubang karon indi lamang sa probinsya kundi sa bilog man nga pungsod amo nga diutay lamang ang luyag mag pabakuna kontra COVID-19.