Patay ang 49 anyos nga empleyado sang banwa sang Binalbagan nga si Jomarie Sarad matapos ini gin buno kahapon sa Batangay Camang Camang sa Isabela.
Ang suspek amo si Richard Garcia nga empleyado naman sang banwa sang Isabela.
Suno deputy chief sang Isabela PNP nga si Lt Leonel Adolacion, naglalisay sang kahapon ang duha antes sang pag pamuno.
Pila ka oras matapos sang ila pag lalisay, didto na gin pangita ni Garcia si Sarad kag sang iya makit-an sa tiyangge, gilayon na lang niya ini gin buno sa dughan.
Patay na sang mag abot sa ospital ang biktima.
Padayon ang hot pursuit operation sang PNP batuk sa suspek.