Nag-release ang gobyerno probinsyal sang Negros Oriental sang technical report sang Bureau of Fisheries and Aquatic Resources ukon BFAR Region 7 nga na petsahan October 27, 2025 nga nagapakita nga may mga isda, alimango, pasayan kag iban pa nga produkto sa dagat ang nagkalamatay sa baybayon sang Manjuyod kag Bais City.
Base man sa report, ang waste water halin sa Universal Robina Corporation Distillery ang may madamo nga content sang molasses nga mahimo amo ang nangin rason sang pagkapatay sang mga isda.
Ini base sa water sampling nga ila ginhimo.
Suno sa BFAR mahimo gin-block sang molasses ang hasang sang mga isda kag ang molasses ang nangin kabangdanan sang pagnubo sang oxygen level sa dagat.
Gani suno sa BFAR dapat anay hulaton sang pumuluyo nga madeklarar nga safe na kan-on ang mga produkto sang baybayon antes ini kaunon.
Oktubre 26 sang naguba ang tail pond sang distillery suno sa kumpanya bangud sang linog kag mabunok nga ulan.
Sa isa ka statement ginsiling man sang kumpanya nga wala man naglala pa ang contamination sang tubig dagat bangud sang bagyo.
Padayon ang URC nga naga hatag sang bulig sa apektado nga pamilya kag naga coordinate sa DENR kag mga LGU sa paglubad sang sini nga problema.*