Nag untat na ang pag-usmod sang duta sa Sitio Bairan sa Brgy Gen Luna sa Toboso, pero, sa kaiping nga sitio may nakit-an man nga pag-usmod sang duta.
11 feet kag 5 inches ang kabilugan nga gin-usmod sang duta sa Sitio Bairan. Ini suno kay Municipal Disaster Risk Reduction Officer sang Toboso, Engr Hospicio Carbajosa, Jr.
Humalin Pebrero 18 nag-record sila sang 11 feet and 5 inches nga pag ka usmod. Pag check nila sang kahapon, wala na ini nadugangan pa.
Ang mga crack naman sa ibabaw nga bahin ang namutikan daw nag daku kag kasubong nga may yara sang soil erosion.
Suno kay Carbajosa nag-untat na ang pag ulan nga mahimo isa man sa kabangdanan sang pag usmod sang duta.
Sa ika duha nga semana sang Marso magabalik ang Mines and Geosciences Bureau dala ang ila nga equipment para mapat-od gid kun ano ang gintunaan sang pag ka usmod sang duta.
Mga 3 kilometros gikan sa Bairan ang Sitio Bugho kun sa diin may yara man sang pag-usmod sang duta. Gin bisitahan man ini sang MGB damlag pa bangud sang nakit-an nga pag-usmod man sa duta nga nagalapad sa 90 meters ang diameter.
Mga isa ka tapak ang gin-usmod sini. Ang inisyal nga assesment sang MGB, isa ini kag cover collapse nga category man sang sinkhole. Padayon man ang pag usisa sini.
“Estimate namon, nga mas lapad siya sang sa Bairan, around mga 90 meters ang iya diameter, kay pabilog man gyapon. Ang Bugho so far gin monitor man namon pero amo man gyapon, mga 1 foot. As per nag istar sa area, halin pa sang Bagyo Tino, may na observe nga nag usmod pero gamay lang nga pag usmod and gamay na crack pero nagdugang siya pag sige inulan sang Feb 8 to 10”, suno kay Carbajosa.*
[sibwp_form id=1]